ჟურნალმა Banker-მა „თიბისი ბანკი“ საქართველოში 2016 წლის საუკეთესო ბანკად დაასახელა

news
ავტ.: news დეკემბერი 13, 2016 13:03

ჟურნალმა Banker-მა „თიბისი ბანკი“ საქართველოში 2016 წლის საუკეთესო ბანკად დაასახელა

ფინანსურმა ჟურნალმა Banker-მა „თიბისი ბანკი“ საქართველოში 2016 წლის საუკეთესო ბანკად დაასახელა. როგორც „ინტერპრესნიუსს“ „თიბისი ბანკიდან“ აცნობეს, ეს სტატუსი ბანკს მსოფლიოს ავტორიტეტულმა ჟურნალმა ლონდონში, მსოფლიოს საბანკო დაჯილდოების ცერემონიალზე მიანიჭა. „თიბისი ბანკმა“ The Banker-ის პრესტიჟული ჯილდო 2002 წლიდან დღემდე უკვე მერვედ მიიღო.

2016 წელს „თიბისი ბანკს“ სხვა აღიარებებიც ხვდა წილად. ბანკმა ასევე მიიღო წლის საუკეთესო ბანკის ჯილდოები ჟურნალებისგან: Euromoney, Global Finance და EMEA Finance Magazines. The Banker-მა „თიბისი ბანკი“ დააჯილდოვა ბაზარზე მოპოვებული ლიდერობისათვის და „ბანკ რესპუბლიკასთან“ მიღწეული გარიგებისთვის, რომლის თანახმად ეს უკანასკნელი „თიბისი ბანკს“ შემოუერთდა. ხაზი გაესვა „თიბისის“ კლიენტებთან ურთიერთობის მართვის განსაკუთრებულ შესაძლებლობებს, როგორც ბანკის მთავარ კონკურენტულ უპირატესობას.

„ჩვენთვის დიდი პატივია ამ პრესტიჟული ჯილდოს მიღება. ჩვენ 2016 წელს უკვე მეოთხედ ვიღებთ საუკეთესო ბანკის ჯილდოს, რაც ბანკის ძლიერი ფინანსური შედეგებისა და სრულყოფისკენ მუდმივი სწრაფვის აღიარებაა“, – განაცხადა „თიბისი ბანკის“ დირექტორმა ვახტანგ ბუცხრიკიძემ.

გავლენიანი ფინანსური გამოცემა The Banker ყოველწლიურად ავლენს და აჯილდოებს 149 ქვეყნის საუკეთესო ფინანსურ ინსტიტუტებს მათ შედეგებსა და მიღწევებზე დაყრდნობით. საუკეთესოთა შორის საუკეთესოები გამოვლინდებიან წლის ბოლოს გამართულ დაჯილდოების ცერემონიაზე, სადაც ჟურნალი მსოფლიოს საუკეთესო ბანკს აცხადებს და ჯილდოებს გადასცემს რეგიონისა და ცალკეული ქვეყნების გამარჯვებულებს.

news
ავტ.: news დეკემბერი 13, 2016 13:03

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


15,060
ვიზიტორი
დღეში
Powered By Google Analytics