დამოუკიდებელმა ჟურნალისტებმა ალექსანდრ ბურაკოვმა და ვლადიმირ ლაპცევიჩმა შიმშილობა გამოაცხადეს. მათ აქციის ჩატარების წესების დარღვევაში დასდეს ბრალი და ორივეს 30 დღით თავისუფლების აღკვეთა ემუქრება – ინფორმაციას “დოიჩე ველე” მაგილევის უფლებადამცველი ორგანიზაცია “MayDay”-ის ტელეგრამ-არხზე დაყრდობით ავრცელებს.
მუხლი, რომლითაც ჟურნალისტებს ბრალი ედებათ, ჯარიმის სახით 7000 ლარის გადახდას ან 15-დან 30 დღემდე თავისუფლების აღკვეთას ითვალისწინებს.
ჟურნალისტები “ბელორუსის ქრისტიან-დემოკრატიული” პარტიის წევრ, ოლეგ აკსენევთან ერთად 12 მაისს სასამართლოს შენობასთან დააკავეს, სადაც ოპოზიციონერი პოლიტიკოსის წინააღმდეგ საქმის განხილვა იწყებოდა. ყველა დაკავებულს ბრალი “მასობრივ არეულობებში მონაწილეობაში” ედებათ.
ბელორუსში გრძელდება პროტესტი, რომელიც 2020 წლის 9 აგვისტოს დაიწყო. ხალხი გაყალბებულ არჩევნებს აპროტესტებს. აქციებზე ათასობით ადამიანია დაკავებული, მათ შორის, ათობით ჟურნალისტი. რამდენიმე ადამიანი კი დაიღუპა.
