სოფელ კორცხელში, გუშინ მომხდარ დაპირისპირებასთან დაკავშირებით, დაიკითხნენ ინციდენტის მონაწილეები. ეს წუთია დასრულდა ტელეკომპანიების „ოდიშის“, და „რუსთავი 2“-ის, აგრეთვე, საზოგადოებრივი მაუწყებლის ჟურნალისტთა დაკითხვა. პროცესი სამი საათის განმვლობაში მიმდინარეობდა. როგორც ტელეკომპანია „ოდიში“-ის ჟურნალისტმა ლევან კალანდიამ აღნიშნა, „პროცესი მშვიდ ვითარებაში ჩატარდა. არანაირ ზეწოლას ადგილი არ ჰქონია. ჩვენ მივაწოდეთ ჩვენს მიერ გადაღებული მასლები. აინტერესებდათ, თუ როგორ ვითარებაში წარიმართა მოვლენები“.
