ჟურნალისტ რომან ქევხიშვილის ცემაში ბრალდებულს 1000 ლარიანი გირაო შეეფარდა. პროკურატურა თემურ ფიფიასთვის 5000 ლარიან გირაოს ითხოვდა.
სხდომას სახალხო მოძრაობა “სოციალისტური საქართველოს” დამფუძნებლები და მხარდამჭერები ესწრებოდნენ.
შეგახსენებთ, რომ ინციდენტი 4 აგვისტოს “სოციალისტური საქართველოს” კახეთის ორგანიზაციის დამფუძნებელ ყრილობაზე მოხდა.
ჟურნალისტს ფიფიამ დასწრების უფლება პუტინის შეურაცხმყოფელი მაისურის გამო აუკრძალა და მას ფიზიკურად გაუსწორდა.
მომხდარ ფაქტზე სისხლის სამართლის საქმე 125-ე, ცემის მუხლით აღიძრა.
მორიგი სასამართლო პროცესი 9 სექტემბერს ჩაინიშნა.
