ჟენევის 88-ე ავტოსალონი 6 მარტს მხოლოდ ჟურნალისტებისთვის იყო ღია, ხუთშაბათს, 8 მარტს კი მსოფლიო ავტოწარმოების სიახლეების ნახვა უკვე ავტომოყვარულებსაც შეეძლოთ. ავტოსალონის ერთ-ერთი ტრენდი რემინისცენციები გახდა – წამყვანი კომპანიების მიერ თავიანთი წარმატებული მოდელების წარმოჩენა რეტრო დიზაინით და სერიული მოდელებით.
Jeep-მა ახალი მოდელი Renegade აჩვენა, გვერდით გამოფენილი იყო 1941 წლის Willis, Ford-მა Mustang Bullitt-ის პრემიერა ფილმ “ბულიტის” 50 წლის იუბილეს დაამთხვია, ფილმში პოლიციის ინსპექტორი ბულიტი მუსტანგით დადის.
Micro Mobility Systems-მა, შვედურმა კომპანიამ ცნობილი BMW Isetta-ს რეპლიკა წარმოადგინა – კონცეპცია Microlino, მისი სიგრძე 2,4 მეტრია, მაქსიმალური სიჩქარე კი 90კმ/სთ.
გამოფენაზე წარმოდგენილი იყო ინჟინერული ხედვის ახალი ტენდენციები, რომელიც ავტოწამოების მომავლის განმსაზღვრელი იქნება. ფოტოები ავტოსალონიდან “ბიბისიმ” გაავრცელა.