ზეწოლა მუქარა, მოსყიდვა, ადმინისტრაციული რესურსის გამოყენება – პირველი ტურიდან მეორე ტურამდე გამოვლენილ დარღვევებს დღეს “სამართლიანი არჩევნები” შეაჯამებს. სადამკვირვებლო ორგანიზაციაში ამბობენ, რომ ამ პერიოდში არაერთი კანონდარღვევა დაფიქსირდა, რომელზეც რეაგირება აუცილებლად უნდა მოხდეს. სხვა საკითხებთან ერთად კვლევაში საუბარია ახალქალაქში ოპოზიციური პარტიის მხარდამჭერების ცემის ფაქტზე, ყურადღება გამახვილდა ამომრჩევლის შესაძლო მოსყიდვის მცდელობაზე გარდაბანში, სადაც ამომრჩეველს სხვადასხვა პროდუქტი უფასოდ დაურიგეს.
