ზემო ფონიჭალაში, კანალიზაციის მილის დაზიანების გამო, დაბინძურებული წყალი ზედაპირზე ამოდის და საცხოვრებელ სახლებამდე აღწევს. შეწყვეტილია სასწავლო პროცესი, მოსახლეობა კი შველას ითხოვს.
ადგილობრივები ამბობენ, რომ მილი, თელეთში მდებარე ერთ-ერთი სასაკლაოს ნარჩენების გამო გაიჭედა. მოსახლეობის ინფორმაციით, აღნიშნული მილი იმავე ქსელს უერთდება, რომლითაც ფონიჭალის მოსახლეობა სარგებლობს.
ადგილზე დილიდან იმყოფებოდნენ GWP-ის და გამგეობის წარმომადგენლები. საკანალიზაციო მილი უკვე გაწმენდილია, დასუფთავების სამსახურმა ქუჩებიც მორეცხა.
