უკრაინის პრეზიდენტმა ვოლოდიმირ ზელენსკიმ სამხედროებს, საზღვაო ქვეითებსა და ეკიპაჟის წევრებს უკრაინის სამხედრო-საზღვაო ძალების (ВМС) დღე მიულოცა. მან მადლობა გადაუხადა თითოეულ ჯარისკაცს, ვინც ქვეყნის სამხრეთ რეგიონებს რუსული თავდასხმებისგან იცავს და ფრონტის ყველაზე რთულ მონაკვეთებზე ოკუპანტს აკავებს.
ზელენსკის განცხადებით, უკრაინელმა მეზღვაურებმა მთელ მსოფლიოს დაანახეს, რომ ბრძოლის ველზე გადამწყვეტი რესურსების რაოდენობა არ არის.
„უკრაინის სამხედრო-საზღვაო ძალებმა მთელ მსოფლიოს დაუმტკიცეს, რომ ძალა ყოველთვის არ იზომება გემების ან რესურსების რაოდენობით. პროფესიონალიზმმა, გადაწყვეტილებამ და საკუთარი ქვეყნისადმი ერთგულებამ მოიტანა შედეგი, რომლითაც მთელი უკრაინა ამაყობს. ჩვენ მომავალშიც გავაძლიერებთ ჩვენს ფლოტს, საზღვაო ქვეითებსა და საზღვაო ძალების ყველა შესაძლებლობას“, — განაცხადა ზელენსკიმ.
პრეზიდენტმა მიმართვაში განსაკუთრებული პატივით მოიხსენია ყველა ის გმირი, ვინც უკრაინის დაცვას სიცოცხლე შეწირა.
