ზელენსკი საქართველოს პრემიერმინისტრ მამუკა ბახტაძესთან ბრიუსელში შეხვედრას ადასტურებს

თაიმერი timer.ge
ავტ.: თაიმერი timer.ge ივნისი 5, 2019 09:45

ზელენსკი საქართველოს პრემიერმინისტრ მამუკა ბახტაძესთან ბრიუსელში შეხვედრას ადასტურებს

მამუკა ბახტაძე ძალიან კარგი ადამიანია, ჩვენ გავცვალეთ ტელეფონის ნომრები, – ამის შესახებ უკრაინის პრეზიდენტმა ვლადიმირ ზელენსკიმ ქართველ ჟურნალისტებს ბრიუსელში განუცხადა.

„ვისაუბრეთ ჩვენს ურთიერთობაზე, საქართველოზე და უკრაინაზე“, – აღნიშნავს უკრაინის პრეზიდენტი.

კითხვაზე, აპირებს თუ არა უახლოეს მომავალში ეწვიოს საქართველოს, ზელენსკი აცხადებს: „რატომაც არა. საქართველო ძალიან კარგი ქვეყანაა. ერთხელ ნამყოფი ვარ საქართველოში.

ამასთან, ქართველ ჟურნალისტებთან კომენტარი გააკეთა უკრაინის პრეზიდენტის პრესმდივანმა იულია მენდელმაც.

„ჩვენთვის სასიამოვნო სიურპრიზი იყო, რომ საქართველოს პრემიერ-მინისტრი იმავე სასტუმროში გაჩერდა, სადაც უკრაინის პრეზიდენტი ბრიუსელში ვიზიტის პერიოდში იცხოვრებს. როგორც მოგეხსენებათ, ოფიციალური ვიზიტების დროს სახელმწიფო ლიდერებს ძალიან მჭიდრო განრიგი აქვთ. შესაბამისად ძალიან რთულია ამ განრიგში რამე ახალი შეხვედრის ჩასმა. დარწმუნებული ვარ რომ პრეზიდენტსა და პრემიერ-მინისტრს რომ სცოდნოდათ მსგავსი შესაძლებლობის შესახებ, ისინი შეხვედრას წინასწარ დაგეგმავდნენ“, – აღნიშნა იულია მენდელმა.

თაიმერი timer.ge
ავტ.: თაიმერი timer.ge ივნისი 5, 2019 09:45

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,829
ვიზიტორი
დღეში
Powered By Google Analytics