უკრაინის პრეზიდენტი აცხადებს, რომ მიხეილ სააკაშვილის მუშაობის შედეგს უახლოეს თვეებში ელის. განცხადება ამის შესახებ ვოლოდიმირ ზელენსკიმ ზაკარპატიეს ოლქში ვიზიტის დროს გააკეთა.
პრიორიტეტულ სფეროებად უკრაინის ლიდერმა ბიზნესის დერეგულაცია და საბაჟო რეფორმა დაასახელა და აღნიშნა, რომ სააკაშვილმა საქართველოში კორუფციის დამარცხება შეძლო. რეფორმების ეროვნული საბჭოს აღმასრულებელი კომიტეტის თავმჯდომარედ დანიშვნის შემდეგ ეს ზელენსკის უკვე მეორე განცხადებაა სააკაშვილის შესახებ.
