რუსეთი პირველად როდი ახდენს უცხო მიწების ოკუპაციას: რუსული სახელმწიფო მრავალი დამორჩილებული ხალხისგან, მოპარული მიწებისგან შედგება. ჩვენ ჩვენი მიწისთვის ვიბრძვით. ჩვენ ვიბრძვით ჩვენი ხალხისთვის. ჩვენ ვიბრძვით უკრაინისთვის სამართლიანობისთვის,- თქვა უკრაინის პრეზიდენტმა, ვოლოდიმირ ზელენსკიმ ვიდეომიმართვაში
,,ვუბრძანე ჩვენს დაზვერვასა და არმიას, წინსწრებით იმუშაონ იმ ობიექტებზე, რომლებსაც რუსები ომის მასშტაბების გასაზრდელად იყენებენ. ახლა რუსეთის ხელმძღვანელობას მოსკოვის მიდამოებში, ვალდაიზე და ქერჩის სრუტეზე პუტინის ხიდთან მეტი ჰაერსაწინააღმდეგო თავდაცვა მიაქვს – სხვა მიმართულებებზე ჰაერსაწინააღმდეგო თავდაცვის დასუსტების ხარჯზე.
მხოლოდ მოსკოვის რეგიონში მათ მოუყარეს თავი ასობით გამშვებს C-400, C-500 და „პანცირის“ სისტემებისთვის. ვალდაიზე რუსეთის სხვა რეგიონებიდან ჰაერსაწინააღმდეგო თავდაცვის თითქმის 90 გამშვები გადაისროლეს, იქ კიდევ ყალიბდება ჰაერსაწინააღმდეგო თავდაცვის სპეციალური დივიზია, რათა დაიცვან რუსეთის ხელმძღვანელობის სიმშვიდე. შედარებისთვის: რუსეთის ყველა სხვა მიმართულებაზე, მათ სხვა ქალაქებზე ახლა მხოლოდ რამდენიმე გამშვებია. ასეთი პრიორიტეტებია. იცავენ თავიანთ ხელისუფლებას – იცავენ ამ ომის წყაროს.
უკვე რუსეთის 60-ზე მეტ რეგიონშია საწვავის დეფიციტი, ასევე ფიქსირდება ბენზინისა და დიზელის ფასების მკვეთრი ზრდა, თუკი ისინი, რა თქმა უნდა, საერთოდ არის მარაგში. რუსული სპეცსამსახურები უკვე იმასაც კი სთავაზობენ, რომ გადაიდოს ან საერთოდ გაუქმდეს სახელმწიფო დუმაში „ედინაია როსიას“ არჩევის რიტუალი: მათი მორიგი არჩევნების იმიტაცია სექტემბერში იყო დაგეგმილი, და ახლა დაზვერვის მოხსენებებიდან ვხედავთ, რომ რუსეთში დარწმუნებულნი არ არიან სექტემბრის პროცესებში.
ბევრი სირთულეა, და ეს მხოლოდ იმიტომ, რომ პუტინი უარს ამბობს თავისი ომის დასრულებაზე და არ ესმის ჩვენი შეხვედრის წინადადებები, რეალური მოლაპარაკებებისა და ღირსეული მშვიდობის წინადადებები.“ – თქვა ზელენსკიმ.
