“დღეს გვქონდა ჩვენი სამხედროების მოხსენებები ცის დაცვის შესახებ. ახლა რუსების ტაქტიკა უკრაინის გამოფიტვაზეა მიმართული, უკრაინელების გამოფიტვაზე – პირველ რიგში, სწორედ ჩვენი ხალხის. მუდმივია დრონებით თავდასხმები – ბევრია რეაქტიული შაჰიდი. მნიშვნელოვან ნაწილს ჩვენი მეომრები ჩამოაგდებენ. მხოლოდ ამ ოთხ დღეში იყო ყველა ტიპის თითქმის 1 500 დრონი, მათგან 800-მდე – რეაქტიული.
ყველაზე რთული ამოცანა სწორედ რეაქტიული დრონების ჩამოგდებაა. ახლა მათგან დაცვა ძირითადად ჩვენს საბრძოლო ავიაციაზეა. ჩვენ ვმუშაობთ, რომ გვქონდეს საჭირო გადამჭერები. ოთხმა კომპანიამ შექმნა შესაბამისი დრონ-გადამჭერები, ხოლო ერთ-ერთ კომპანიას ყველაზე წარმატებული ტექნიკა გამოუვიდა. ახლა მაქსიმალურად – თავდაცვის სამინისტროც და სამხედროებიც – ყველამ უნდა ეცადოს, რომ რაც შეიძლება მეტი შესაძლებლობა გვქონდეს რუსული დრონების თითოეული ტიპის ჩამოსაგდებად.
მინდა მადლობა გადავუხადო უკრაინის გუნდიდან მათ, ვინც 24/7-ზე მუშაობს, რომ ეს ასე იყოს. შემოდგომაზე საჭიროა პასუხის გაცემა და ჩამოგდების მაჩვენებლის ზუსტად 90%-ზე მაღლა აყვანა”,_ ამბობს უკრაინის პრეზიდენტი, ვოლოდიმირ ზელენსკი გავრცელებულ ვიდეომიმართვაში.
