ჩვენ უკვე დავიწყეთ რუსეთის წინააღმდეგ სანქციების ახალ პაკეტებზე მუშაობა. ნაბიჯ-ნაბიჯ რუსულ სახელმწიფოს ჩამოვაშორებთ თანამედროვე ეკონომიკის ყველა ელემენტს. ოკუპანტები მეზობლების სიცოცხლის დანგრევის სრულ ფასს გადაიხდიან, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მან რუსეთის წინააღმდეგ ევროკავშირის მიერ დაწესებულ სანქციების მე-6 პაკეტზეც ისაუბრა და ხაზი გაუსვა, რომ რუსეთმა ნავთობის გაყიდვით მიღებული „ნავთობდოლარების ნაკადი“ უნდა დაკარგოს.
„მსოფლიო უარს ამბობს რუსულ ნავთობზე. მეტიც, სხვა ქვეყნები, რომლებიც ბევრად უკეთეს და ნავთობს აწარმოებენ, ემზადებიან რუსული მარაგების ჩასანაცვლებლად. ამიტომ აგრესორ სახელმწიფოს ამ სფეროში უზარმაზარი შემოსავლები ეკარგება. რა თქმა უნდა, რუსეთი მუდმივად ცდილობს ამისთვის წინააღმდეგობის გაწევას. ის დიდი ხანია სარგებლობს ნავთობდოლარების ნაკადით და არ სურს მისი დაკარგვა, მაგრამ ეს უნდა მოხდეს. უნდა მიეჩვიოს იმას, რომ შემოსავლის ძალიან მტკივნეული შემცირება ომის გარდაუვალი შედეგია მისთვის, ვინც ამ ამში დამნაშავეა, რუსული სახელმწიფოსთვის,“- აღნიშნა ზელენსკიმ.
