ვოლოდიმირ ზელენსკი მზად არის ვლადიმერ პუტინს რუსეთისა და ბელარუსის გარდა ნებისმიერ ადგილზე შეხვდეს — ამის შესახებ უკრაინის საგარეო საქმეთა მინისტრმა ანდრი სიბიგამ განაცხადა. მისი თქმით, უკრაინა მხარს უჭერს პრეზიდენტებისა და კრემლის ხელმძღვანელის შეხვედრის ორგანიზებას, რათა მოლაპარაკებების მცდელობებმა ახალი დინამიკა შეიძინოს.
„ჩვენ ეს თხოვნა თურქეთს მივმართეთ, ასევე რამდენიმე სხვა დედაქალაქს… თუ რომელიმე სხვა დედაქალაქი, რუსეთისა და ბელარუსის გარდა, ასეთ შეხვედრას მოაწყობს, ჩვენ მზად ვართ მივიდეთ. ჩვენთვის ეს მნიშვნელოვანია“, — განაცხადა უკრაინის საგარეო საქმეთა მინისტრმა.
მანამდე უკრაინის საგარეო საქმეთა მინისტრმა ასევე განაცხადა, რომ ზელენსკი მზად არის პუტინთან თურქეთში შეხვედრისთვის. ამ განცხადებას რუსეთშიც გამოეხმაურნენ — სერგეი ლავროვმა აღნიშნა, რომ რუსეთი მზად არის უკრაინასთან მოლაპარაკებებისთვის, თუმცა ეს ქვეყნის ნომერ პირველი პრიორიტეტი არ არის. მისი თქმით, „სტამბოლში მოლაპარაკებების განახლების შესაძლებლობას დადებითად ვაფასებთ“.
