„ევროპას მეტი დაცვა სჭირდება ბალისტიკისგან,– ამის შესახებ ანტიბალისტიკური კოალიციის სხდომის წინ, უკრაინის პრეზიდენტმა ვოლოდიმირ ზელენსკიმ ისაუბრა.
,,ერთად ჩვენ შეგვიძლია შევქმნათ ასეთი სისტემა. უკრაინა მზად არის უზრუნველყოს თავისი ნაწილი – ანტიბალისტიკური რაკეტა. ახლა ჩვენ ვასრულებთ მასზე მუშაობას. მნიშვნელოვანია პოლიტიკურად დადასტურდეს, რომ FREYJA – ეს არის ჩვენი ერთობლივი პროექტი მთელი ევროპის ინტერესებში.
დღევანდელი შეხვედრა შეიძლება – და უნდა კიდეც – გახდეს ისტორიული. ევროპას სჭირდება მეტი ანტიბალისტიკა – ძლიერი, საიმედო და სხვა სისტემებზე იაფი. ერთად ჩვენ შეგვიძლია შევქმნათ ასეთი სისტემა და რაკეტა-გადამჭერები მისთვის. მას ერქმევა FREYJA და მე მადლობელი ვარ, რომ ეს სამუშაო დაიწყო.
მნიშვნელოვანია, რომ დღეს აქ წარმოდგენილნი არიან ევროპელები, რომლებსაც აქვთ ასეთი ანტიბალისტიკური იარაღის წარმოების შესაძლებლობები: უკრაინა, საფრანგეთი, დიდი ბრიტანეთი, გერმანია, იტალია, ნორვეგია, დანია, შვედეთი, ნიდერლანდები, ესპანეთი, NATO-ს ხელმძღვანელობა და ევროკავშირი. ჩვენ ასევე მოხარულნი ვიქნებით სხვების მიღებითაც”- განაცხადა ზელენსკიმ.
