“ომის დასრულების გაჭიანურება რუსეთისგან მოდის” – ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.
მისი თქმით, რუსეთი ყოველ პროცესს აჭიანურებს, მათ შორის ტყვეების გაცვლას – “რუსეთს ომის ტყვეების გაცვლა შევთავაზეთ, რატომ არ აკეთებენ ამას? აქვს აშშ-ს ამაზე პასუხი? არა”.
ვოლოდიმირ ზელენსკი აღნიშნავს, რომ რუსეთზე საკმარისი ზეწოლაა საჭირო და ყველაფერი დასრულდება – “მჯერა, რომ ძალიან ახლოს ვართ ამასთან”.
ომის დასრულების გაჭიანურება რუსეთისგან მოდის. და ესაა მარტივი მაგალითი. წინა წლის დასარულს, შეთანხმებები იყო ჩვენი ხალხის – ომის ტყვეების – გაცვლაზე. ათასი ადამიანი უნდა გაცვლილიყო. რა არის პრობლემა? რა დაგვიანებაა უკრაინული მხრიდან? ვის ჰყავს უკრაინელები ტყვეობაში? ჩვენ? რუსეთს. რატომ არ აკეთებენ გაცვლას? აქვს აშშ-ს ამაზე პასუხი? არა. ვინაიდან არის გარკვეული კითხვები, რომლებიც არაკომფორტული, მაგრამ სრულიად სამართლიანია.
რუსეთი ყოველ პროცესს აჭიანურებს, ჰუმანიტარული მიმართულებით დაწყებული. ათასი ადამიანის გაცვლა შევთავაზეთ – მათ ეს გადადეს. ამის შემდეგ მინიმუმ 500-ის გაცვლა შევთავაზეთ – ეს გადადეს. “ყველას ყველაზე” გაცვლა შევთავაზეთ – ეს 20-პუნქტიანი გეგმის ნაწილია – კვლავ, ამას გვერდზე დებენ. ასე რომ, ვინ აჭიანურებს? ვის არ სურს ომის დასრულება? ეს მზაობაზე არაა; ეს ზეწოლაზეა. საკმარისი ზეწოლაა საჭირო რუსეთზე – და ყველაფერი დასრულდება. მჯერა, რომ ძალიან ახლოს ვართ ამასთან,” – წერს ზელენსკი.
