უკრაინაში ზედიზედ მეორე დღეა საევაკუაციო დერეფნები არ იხსნება, რაც იმას ნიშნავს, რომ ალყაში მოქცეული ქალაქებიდან მოსახლეობის გამოყვანისა და მათთვის ჰუმანიტარული ტვირთის მიწოდების შესაძლებლობა არ იქნება. ამის შესახებ ინფორმაციას ვიცე-პრემიერი ირინა ვერეშჩუკი ავრცელებს.
მიგრაციის საერთაშორისო ორგანიზაციის ინფორმაციით, დაახლოებით 7 მილიონი ადამიანი გახდა ქვეყნის შიგნით იძულებით გადაადგილებული პირი, რამდენიმე მილიონმა კი ქვეყანა დატოვა.
