ზაზა სარალიძე სექტემბრიდან აქციების მორიგ ტალღას აანონსებს

ხორავას ქუჩაზე მოკლული მოზარდის, დავით სარალიძის მამა, ზაზა სარალიძე სექტემბრიდან აქციებს აანონსებს. აქციები იმ ახალი გეგმის ნაწილია, რომელიც ზაზა სარალიძემ რამდენიმე დღის წინა დააანონსა, მას შემდეგ რაც მისი, მალხაზ მაჩალიკაშვილისა და ჟურნალისტ ელისო კილაძის სტრასბურგში ვიზიტი ჩაიშალა. სარალიძეს თქმით  საპროტესტო გამოსვლები სექტემბრიდან დაიწყება.

რაც შეეხება გეგმის სხვა დეტალებს, ხორავას ქუჩაზე მოკლული მოზარდის მამა, ამ საკითხზე ღიად არ საუბრობს და ამბობს, რომ „სუს-ს საქმეს არ გაუმარტივებს“.

შეგახსენებთ, რომ ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი ექიმების მცდელობისა და რამდენიმე ოპერაციის ჩატარების მიუხედავად 2 დეკემბერს საავადმყოფოში გარდაიცვალა. სამართალდამცველებმა მოზარდების მკვლელობის ბრალდებით ორი არასრულწლოვანი, გ.ბ. და გ.ჯ. დააკავა. 6 თვიანი სასამართლო განხილვების შემდეგ, სასამართლომ გ.ბ. ლევან დადუნაშვილის მკვლელობაში სცნო დამნაშავედ, დავით სარალიძის მკვლელობაში კი გაამართლა. გ.ჯ.-ს კი მოსამართლემ ბრალი გადაუკვალიფიცირა და დავით სარალიძის მკვლელობის მცდელობაში სცნო დამნაშავედ. თბილისის საქალაქო სასამართლომ გ.ბ.-ს 10 წლითა და 6 თვით, ხოლო გ.ჯ.-ს 9 წლითა და 9 თვისთ თავისუფლების აღკვეთა შეუფარდა.

banner
წინა სტატიაში,,რუსეთთან ურთიერთობის ნორმალიზებისთვის მთავარი საკითხი საქართველოს ტერიტორიული მთლიანობისა და სუვერენიტეტის პატივისცემა და ოკუპაციის დასრულებაა”
შემდეგი სტატია2008 წლის ომიდან ათი წლის შემდეგ სახალხო დამცველი კონფლიქტით დაზარალებულ პირთა უფლებრივ მდგომარეობას ეხმიანება