ზორავას ქუჩაზე მოკლული მოზარდის მამა, ზაზა სარალიძე, რომელიც მეორე დღეა შსს-სთან გამოხატავს პროტესტს, აცხადებს, რომ შს მინისტრთან შეხვედრას არ ითხოვს.
“გიორგი გახარიასთან შეხვედრას არ ვითხოვ. გახარიას, თუ თვითონ უნდა შეხვედრა, ეს არ ვიცი, მაგრამ შევხვდები მხოლოდ იმ შემთხვევაში, როდესაც ბრძანება ეკავება ხელში კალანდიას დაკავების შესახებ. ამ თემასთან დაკავშირებით არავინ ჩამოსულა სამინისტროდან ჩემთან”, – აღნიშნა სარალიძემ.
ზაზა სარალიძემ გასული ღამე შსს-ს ეზოში გაათენა. მის მხარდასაჭერად დღეს აქცია იმართება, რომელიც სოციალურ ქსელში დაიგეგმა.