პოლიციის პოლკოვნიკი,სამართალდაცავთა დაცვის ლიგის წევრი, ზაზა ჭაია საზოგადოებას გამოკვეთილად კი ჟურნალისტებს მიმართავს:
“მოგონილი ტერმინის – ,,სამხრეთ ოსეთის” დამკვიდრებით და ,,სამხრეთ ოსეთის ავტ. ოლქის” შექმნით, ადრე ოკუპანტი – საბჭოთა კავშირი ნაღმს დებდა და ბზარს უჩენდა საქართველოს გულს, დღეს კი ოკუპანტი – რუსეთის ფედერაცია ცდილობს ,,ისტორიული სამართლიანობის აღდგენას”, ,,სამხრეთ ოსეთის” ,,ჩრდილოეთ ოსეთთან” გაერთიანებას და თავის შემადგენლობაში შეყვანას, ხოლო ჩვენ ყველა ეთერში (დღეს, გუშინ, გუშინწინ), ამ მ ო გ ო ნ ი ლ ი ტერმინის გამოყენებით, უ ნ ე ბ უ რ ა დ, მტრის წისქვილზე ვასხავთ წყალს. არც საქართველოს, არც კავკასიის და არც რუსეთის ი ს ტ ო რ ი ა არ იცნობს არავითარ ,,სამხრეთ ოსეთს”. რუსეთმა 1921 წლის ანექსიის შემდეგ მოახდინა კავკასიონის ქედის ორივე კალთაზე მდებარე, საქართველოს ისტორიული კუთხის – დ ვ ა ლ ე თ ი ს (პირიქითა და პირაქეთა) ანექსია, ხოლო დღეს შ ი დ ა ქართლის ოკუპაციას ახდენს და ანექსიას ცდილობს. ამიტომ ჩვენი ოკუპირებული ტერიტორიების აღსანიშნავად წ ა რ მ ო უ დ გ ე ნ ე ლ ი ა ტერმინების: ,,სამხრეთ ოსეთის”, ,,ოსეთის”, ,,ე. წ. სამხრეთ ოსეთის”, ,,ცხინავალის რეგიონის” გამოყენა, ასევე მ ც დ ა რ ი ა ტერმინი ,,სამაჩაბლოს” ხმარება, რომელიც ოკუპირებული ტერიტორიებიდან მხოლოდ მდ. ლიახვის შუა და ზემო ხეობას მოიცავს და ოკუპაციის მთლიან მასშტაბს აშკარად ვერ ასახავს. ამის გათვალიწინებით, უმორჩილესად გ თ ხ ო ვ თ, ქართლში ჩვენს ოკუპირებულ ტერიტორიას ვუწოდოთ – შ ი დ ა ქართლი (XVI ს-ან ერქვა ზ ე მ ო ქართლი, XVII ს-ან დღემდე შ ი დ ა ქართლი), რითაც გარდა იმ დიდი საქმისა რასაც თქვენ ოკუპაციის წინააღმდეგ უკვე აკეთებთ, მტერს კიდევ უფრო გაურთულებთ თავის ავი ზრახვების აღსრულებას!-წერს პოლიციის პოლკოვნიკი,სამართალდაცავთა დაცვის ლიგის წევრი, ზაზა ჭაია.