„დღეს დამაჯერებლად იგებს ნინო ლაცაბიძე, დღეს იგებს რუსთავი”, – განაცხადა „ქართული ოცნების“ ერთ-ერთმა ლიდერმა ირაკლი ზარქუამ რუსთავში “ქართული ოცნების” შტაბში გამართულ ბრიფინგზე.
მისივე თქმით, 12 საათის მონაცემებით, დაახლოებით 14 ათასი ადამიანია მოსული და ნინო ლაცაბიძე დამაჯერებლად იგებს, თუმცა გამარჯვება ბოლომდეა მისაყვანი.
„ეტყობა ეს ინფორმაცია აქვთ და გადავიდნენ პროვოკაციებზე. ჩვენ არავის მივცემთ უფლებას, რომ რუსთაველებს არ მიეცეთ საშუალება არჩევანი თავისუფალ გარემოში გააკეთონ, ჩვენ არავის მივცემთ უფლებას, რომ კანონი დაარღვიონ”, – განაცხადა ირაკლი ზარქუამ.
