ცხოვრებისთვის გაუსაძლისი პირობები და ზაფხული სასმელი წყლის გარეშე – ოზურგეთის მუნიციპალიტეტის სოფელ ქვემო ნატანებში 20-მდე ოჯახი უწყლოდ არის დარჩენილი.
როგორც ადგილობრივები “თაიმერთან” საუბარში აცხადებენ,წყლის სისტემა მწყობრიდან გამოვიდა და ახლა უკვე სოფელს წყალმომარაგება საერთოდ არ აქვს.
” რამოდენიმე დღეა უწყლოდ ვართ ,2-3 კილომეტრიდან ვეზიდებით წყაროს წყალს ,რაც გაუსაძლისია,წყლის ძრავი დაზიანდა და საერთოდ აღარ გვაქვს წყალი”- აცხადებს ადგილობრივი ,,თაიმერთან” საუბარში .
“თაიმერი” საკითხთან დაკავშირებით ოზურგეთის მუნიციპალიტეტის მერიას დაუკავშირდა. როგორც მუნიციპალიტეტში აცხადებენ, საკითხზე ინფორმირებულები არიან და წყლის მიწოდების პრობლემას სოფელში,დღის ბოლომდე გადაჭრიან.
ავტორი: აკო ქიქავა