ზახაროვა: “თბილისმა აღიარა, რომ აფხაზები და ოსები საქართველოს მოქალაქეები არ არიან”

რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა პრემიერმინისტრ გიორგი კვირიკაშვილის სამშვიდობო ინიაციტავიას “ნაბიჯი უკეთესი მომავლისკენ” გამოეხმაურა. ინფორმაციას რუსული მედია ავრცელებს.

ზახაროვას თქმით, ინიციატივით ქართულმა მხარემ “ფაქტიურად აღიარა, რომ აფხაზეთისა და სამხეთ ოსეთის მცხოვრებლები თავს საქართველოს მოქალაქეებად არ მიიჩნევენ და არც სურთ რომ იყვნენ”.

“თბილისმა მორიგი “სამშვიდობო ინიციატივა დააანონსა. დოკუმენტში ხაზგასმულია, რომ ქართულ პროგრამებში მონაწილეობა აფხაზებისა და ოსებისთვის საქართველოს მოქალაქეობის დადასტურებას ან მის მიღებას არ ნიშნავს. ამით ოფიციალურმა თბილისმა როგორც იქნა აღიარა: აფხაზები და სამხრეთ ოსეთის მცხოვრებლები საქართველოს მოქალაქეებად თავს არ მიიჩნევენ და არც სურთ, რომ გახდნენ მიუხედავად გულუხვი დაპირებებისა”, – თქვა მარია ზახაროვამ რუსულ ტელეკომპანია “Дождь”თან ინტერვიუში.

ზახაროვა ამბობს, რომ ამის “აღიარება პრინციპულად მნიშვნელოვანია, რადგან დროთა განმავლობაში ოფიციალური თბილისი ამას ბოლომდე გაიაზრებს და მიიღებს არსებულ პოლიტიკურ რეალობას”.

banner
წინა სტატიაში,,ოცნების,, ბანერები და ფაროსანას ამარა დარჩენილი სოფელი…
შემდეგი სტატიასააკაშვილი: ამაყი სომხები სუვერენიტეტის დაკარგვაზე რეაგირებენ