ანალიტიკოსი ზაალ ანჯაფარიძე სოციალურ ქსელში „ოპოზიციის ალიანსის“ ერთ-ერთი ლიდერის, ნიკა გვარამიას მიერ პარლამენტის ვიცე-სპიკერ ნინო წილოსანის მისამართით გაკეთებულ განცხადებას ეხმაურება.
ანჯაფარიძის თქმით, გვარამიას სიტყვებმა მას „ნაციონალური მოძრაობის“ მმართველობის პერიოდი გაახსენა.
„შემთხვევით ფბ-ზე გადავაწყდი სააკაშვილის ერთ-ერთი დღემდე დაუსჯელი ჯალათის, ნიკა გვარამიას მუქარას ნინო წილოსანის მიმართ — ხელისუფლებაში დავბრუნდები, დაგიჭერ, ყველაფერს გათქმევინებ… და ა.შ. მყისიერად გაცოცხლდა მეხსიერებაში ის სისხლიანი 8 წელი!
ისე, მადლობა ნიკა გვარამიას, რომელიც სულით და ხორცით დარჩა „ნაცად“ და ამავე სტატუსით მოკვდება, რომ ასე მძაფრად შეგვახსენებს ხოლმე, თუ რატომ არ და ვერ უნდა დაბრუნდნენ „ნაცები“ ხელისუფლებაში“, — წერს ზაალ ანჯაფარიძე.
საზოგადოებრივი და პოლიტიკური გამოხმაურებები მოჰყვა ნინო წილოსანის მიერ გავრცელებულ ვიდეოს, სადაც ნიკა გვარამია მას მიმართავს: „ხელისუფლება რომ შეიცვლება, ისე შეგაგულიანებ, ყველაფერი მოყვე… დაოკდი, დამიჯერე, შენთვის ასე აჯობებს“.
