მესენჯერ WhatsApp-ის აქტიურმა მომხმარებელმა ერთ მილიარდს მიაღწია – ამის შესახებ მესენჯერის პრეს-სამსახურის მიერ გავრცელებულ პრეს-რელიზშია ნათქვამი.
მესენჯერი ახლა 7 მობილური პლატფორმისთვის და 53 ენაზეა მისაღწევი. ყოველდღიურად WhatsApp-იდან დაახლოებით 42 მილიარდი შეტყობინება, 1,6 მილიარდი ფოტო და 250 მილიონი ვიდეოჩანაწერი იგზანვება.
მესენჯერი ყოფილმა ჰაკერმა იაკ კუმმა 2009 წელს შექმნა. მას მოგვიანებით მისი ყოფილი კოლეგა Yahoo-დან ბრაიან ეკტონი შეუერთდა.
2011 წლის ნოემბრისთვის WhatsApp-ი iOS-ის ყველაზე პოპულარული დამატება გახდა. ანდროიდში მესენჯერის ჩატვირთვის რიცხვმა ამ პერიოდისთვის 10 მილიონს მიაღწია.
