ირანის ყოფილი ლიდერის, აიათოლა ალი ხამენეის დაკრძალვის ცერემონიას სხვადასხვა ქვეყნის მაღალი რანგის დელეგაციები დაესწრებიან. ირანული საინფორმაციო სააგენტო WANA News-ის ცნობით, ღონისძიებაში მონაწილეობას მიიღებს საქართველოს პრეზიდენტი მიხეილ ყაველაშვილიც, რომელიც ოფიციალურ დელეგაციას უხელმძღვანელებს.
გამოცემის ინფორმაციით, ირანში ასევე ჩავლენ: აზერბაიჯანის პრეზიდენტი ილჰამ ალიევი, თურქმენეთის პრეზიდენტი გურბანგული ბერდიმუჰამედოვი, სომხეთის პრემიერ-მინისტრი ნიკოლ ფაშინიანი.
ცერემონიის განრიგი:
4-5 ივლისი: საჯარო გამოსამშვიდობებელი ცერემონია თეირანის იმამ ხომეინის მოსალაში გაიმართება (დაკრძალვის ლოცვა 5 ივლისის დილით ჩატარდება).
გადასვენება: თეირანსა და ყუმში გამართული ღონისძიებების შემდეგ, ცხედარს ერაყის ოთხ ქალაქში გადაასვენებენ. ზოგიერთი უცხოელი ოფიციალური პირი და მომლოცველი ცერემონიას სწორედ ერაყში დაესწრება.
9 ივლისი (ხუთშაბათი): ყოფილ ლიდერს საბოლოოდ ირანის ქალაქ მეშჰედში დაკრძალავენ.
