„გირჩის“ წევრის იაგო ხვიჩიას განცხადებით, „ქართული ოცნება“ ევროინტეგრაციასთან დაკავშირებით საუბარზე უარს აცხადებს.
მისივე შეფასებით, რიგგარეშე სესია სათანადოდ მომზადებული არ იყო, თუმცა, შეიძლებოდა საუბრის ადგილად და საკითხების მოსამზდებლად გამოყენებულიყო.
„ძალიან ბანალური და მოსალოდნელი გადაწყვეტილება იყო. მოგეხსენებათ, ამას წინათაც ასე ქნეს, ხალხი სხდომათა დარბაზში არ შეუშვეს. ამით „ქართული ოცნება“ ევროინტეგრაციასთან დაკავშირებით საუბარზე უარს აცხადებს. მე ამ სხდომის კრიტიკოსიც ვიყავი. მგონია, რომ სათანადოდ მომზადებული არ იყო, მაგრამ რიგგარეშე სესია შეიძლება, გამოყენებულიყო ადგილად, სადაც საუბარს შევძლებდით და მეორე სხდომისთვის რაღაც საკითხებს მოვამზადებდით. „ქართულ ოცნებას“ ამ წუთას ეს არ უნდა, ურჩევნიათ, ერთმანეთთან ჩხუბით დაკავდნენ“, – აღნიშნა იაგო ხვიჩიამ.