ვოლოდიმირ ზელენსკი – სასარგებლო წიაღისეულის შეთანხმებას ხელი არ მოეწერება, თუ ის ევროკავშირში გაწევრიანებას დაემუქრება, რამდენიმე ხნის წინ მივიღეთ შეთანხმების ვერსია, მაგრამ უნდა შევადაროთ არის თუ არა ეს იგივე

აშშ-თან სასარგებლო წიაღისეულის შეთანხმებას ხელი არ მოეწერება, თუ ის ევროკავშირში უკრაინის გაწევრიანებას დაემუქრება, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

უკრაინის პრეზიდენტმა აღნიშნა, რომ უკრაინულმა მხარემ დღეს ოფიციალურად მიიღო შეერთებული შტატებისგან წიაღისეული რესურსების შესახებ შეთანხმების ვერსია.

ვოლოდიმირ ზელენსკიმ ხაზგასმით აღნიშნა, რომ აუცილებელია უმაღლეს დონეზე ადვოკატებისგან კონკრეტული რეცენზიის მიღება.

„რამდენიმე ხნის წინ ვიცე-პრემიერმა, იულია სვირიდენკომ მიიღო შეთანხმების ვერსია აშშ-ს ხაზინის მდივან ბესენტთან ორმხრივი კონტაქტის დროს, მაგრამ ჩვენ უნდა შევადაროთ არის თუ არა ეს იგივე შეთანხმება. მე მას რამდენიმე კითხვა დავუსვი. მისი თქმით, ძალიან რთულია კომენტარის გაკეთება, ეს არის სრულიად განსხვავებული დოკუმენტი, არის მასში ბევრი რამ, რაც არ იყო ნახსენები და ასევე გამოჩნდა რაღაცები, რაც მხარეებმა ადრე უარყვეს. მოდით, იურისტებმა შეადარონ ყველა ეს შეთანხმება, უკვე ბევრია და მე მივიღებ იმ შეთანხმებას, რომელიც ჩვენმა მხარემ ოფიციალურად მიიღო. უკრაინის კონსტიტუციაში გარკვევით წერია, რომ ჩვენი კურსი ევროკავშირისკენაა… არის ძალიან მნიშვნელოვანი რეფორმები, არის შესაბამისი ნაბიჯები. არაფერია, რაც შეიძლება ემუქრებოდეს უკრაინის ევროკავშირში გაწევრიანებას“, – განაცხადა ვოლოდიმირ ზელენსკიმ.

უკრაინის პრეზიდენტმა ასევე აღნიშნა, რომ კიევი არ არის მზად, აღიაროს ბოლო წლებში გაწეული ამერიკული დახმარება, როგორც ვალი, როგორც შეერთებულ შტატებთან წიაღისეულის შეთანხმების ხელმოწერის ნაწილი.

banner
წინა სტატიაშიზურაბიშვილი: ანწუხელიძე ცოცხალია, უკვდავი გმირია, სინდისი გადაგვირჩინა და შვილებს ანდერძად დაუტოვა ღირსება
შემდეგი სტატია„ქართული ოცნების“ ოცნების ხელისუფლებამ განაახლა დაუსაბუთებელი დაკავებების რეპრესიული ტალღა