უკრაინის პრეზიდენტი ვოლოდიმირ ზელენსკი რუმინეთში ჩავიდა. მისი თქმით, ვიზიტის ფარგლებში განიხილება ორ ქვეყანას შორის შემდგომი თანამშრომლობა, უკრაინის საჰაერო თავდაცვის გაძლიერება და შავი ზღვის უსაფრთხოების საკითხი.
“მე ჩავედი ბუქარესტში პრეზიდენტთან, კლაუს იოჰანისთან, მოსალაპარაკებლად და ჩვენი მეზობლური ურთიერთობების გასაძლიერებლად…უკრაინა მადლიერია რუმინეთის მხარდაჭერისთვის, რომელიც აძლიერებს ჩვენს სახელმწიფოს… რუმინეთი ჩვენი მეგობარია, რომელიც ყველაზე ბნელ დღეს დაგვეხმარა და რომლის მხარდაჭერაც დროთა განმავლობაში ძლიერდება,” – ამბობს უკრაინის პრეზიდენტი.
