გერმანული საავტომობილო კონცერნი Volkswagen-ი უახლოესი ხუთი წლის მანძილზე ელექტრომობილების შექმნაში, თვითმართვად მანქანებსა და გაციფრულებაში 44 მილიარდ ევროს ჩადებს – 16 ნოემბერს კონცერნის დირექტორთა საბჭომ მიიღო გადაწყვეტილება. როგორც Reuters-ი წერს, ეს თანხა დაახლოებით ერთი მესამედია კომპანიის მიერ დაგეგმილი ხარჯებიდან იგივე მონაკვეთში.
კომპანიის მიმდინარე ხუთწლიანი გეგმისთვის 34 მილიარდი ევრო იყო გამოყოფილი – “დოიჩე ველე” წერს. მმართველთა საბჭოს თავმჯდომარემ ოლივერ ბლუმმა დაადასტურა, რომ კონცერნის სამი ქარხანა – ჰანოვერში, ცვიკაუსა და ემდენში გადაიარაღდება და ელექტრომობილების გამოსაშვებად მომზადდება. გარდა ამისა, აღმოსავლეთ ევროპაში ახალი ქარხნებიც აშენდება.
