რუსეთის პრეზიდენტმა ვლადიმირ პუტინმა სტამბოლის აერპორტში მომხდარი ტერაქტის გამო თურქეთის მოსახლეობას მიუსამძიმრა.
“ჩვენ ვწუხვართ და ტერაქტის მსხვერპლთ ვუსამძიმრებთ, რომელიც გუშინ მოხდა” – განაცხადა პუტინმა.
პუტინის პრეს-მდივანმა, დიმიტრი პესკოვმა ტერაქტს “საშინელი” უწოდა და თქვა, რომ მსგავსი შემთხვევები მხოლოდ ტერორიზმთან ბრძოლის კონსოლიდაციას იწვევს.
შეგახსენებთ, რომ უკანასკნელი მონაცემებით, ტერაქტის დროს 31 ადამიანი დაიღუპა და 150-მდე დაშავდა. გავრცელებული ინფორმაციით, დაღუპულთა შორის ერთი უკრაინის მოქალაქეა.
