„სამხრეთ ოსეთის უსაფრთხოების უზრუნველსაყოფად და ეკონომიკურ მხარდასაჭერად რუსეთი შეძლებისდაგვარად ყველაფერს აკეთებს“ – ამის შესახებ რუსეთის პრეზიდენტმა, ვლადიმერ პუტინმა მოსკოვში, ოკუპირებული სამხრეთ ოსეთის დე ფაქტო ლიდერთან, ანატოლი ბიბილოვთან შეხვედრაზე განაცხადა.
ვლადიმერ პუტინმა ანატოლი ბიბილოვი კრემლში მიიღო და განუცხადა, რომ მოსკოვში 10 წლის წინანდელი მოვლენები ახსოვთ.
რუსეთის პრეზიდენტმა ასევე თქვა, რომ „მხარეებს შორის ტვირთბრუნვა იზრდება და საინვესტიციო პროექტები ხორციელდება“.
