რუსეთის პრეზიდენტი ვლადიმერ პუტინი აცხადებს, რომ ნატო-ს სამხედრო ალიანსის წევრები რუსეთს უკრაინაში საქმიანობის გაფართოებით ემუქრებიან. ამის შესახებ რუსეთის პრეზიდენტმა გაერთიანებული სამეფოს პრემიერ-მინისტრ ბორის ჯონსონთან სატელეფონო საუბრისას განაცხადა.
მოსკოვის განცხადებით, ნატო-ს გაფართოება ემუქრება რუსეთს და არღვევს გარანტიებს, რომლებიც 1991 წელს საბჭოთა კავშირის დაშლის შემდეგ გაიცა.
კრემლის პრესსამსახურის ცნობით, სატელეფონო საუბრისას ვლადიმერ პუტინმა დეტალურად ასახა მისი პრინციპული შეფასება უკრაინის გარშემო არსებული ვითარების შესახებ.
„ხაზგასმით აღინიშნა, რომ ეს ყველაფერი ხდება ნატო-ს ქვეყნების მიერ უკრაინის ტერიტორიაზე აქტიური სამხედრო „ექსპანსიის“ ფონზე, რაც პირდაპირ საფრთხეს უქმნის რუსეთის უსაფრთხოებას“, – აცხადებენ კრემლში.
