“ვითხოვთ ე.წ. გავრილოვის ღამის მომწყობის გახარიას გადადგომას და სისხლის სამართლის პასუხისგებაში მიცემას” – ნიკა გვარამია

region
ავტ.: region ივნისი 21, 2019 16:44

“ვითხოვთ ე.წ. გავრილოვის ღამის მომწყობის გახარიას გადადგომას და სისხლის სამართლის პასუხისგებაში მიცემას” – ნიკა გვარამია

ნიკა გვარამია შს მინისტრი გადადგომას და მის წინააღმდეგ სისხლის სამართლებრივი დევნის დაწყებას ითხოვს. მან განცხადება “რუსთავი 2”-ის სახელით გააკეთა. არხის გენერალური დირექტორის თქმით, კობახიძის გადადგომა და მით უმეტეს მისი თალაკვაძით ჩანაცვლება არის დაცინვა და უნდა დაისაჯოს მთავარი ჟანდარმი გიორგი გახარია.

„დაცინვად მივიჩნევთ კობახიძის თალაკვაძით შეცვლას. და საერთოდაც ეს მიგვაჩნია უკვე აბსოლუტურად მოძველებული მოთხოვნად და რეზულტატად მიუხედავად იმი8სა, რომ შედეგი ცხადყოფს რომ ივანიშვილის შეშინებულია. მიუხედავად ამისა ეს რეზულტატი აბსოლუტურად არასაკმარისია პირადად “რუსთავი 2”- თვის. რადგან “რუსთავი 2”- ის შეფასებით და მოთხოვნით ჩვენთვის ყველაზე მნიშვნელოვანია ე.წ. გავრილოვის ღამის მომწყობის, სისხლიანი ჟანდარმის, ამ ქვეყნის შს მინისტრის გახარიას არა მხოლოდ გადადგომა არამედ სისხლის სამართლის პასუხისგებაში მიცემა. გუშინ მან ჩაიდინა უმძიმესი დანაშაული. მისი ბრძანებით მისმა საპოლიციო რაზმმა, უზრუნველყო ის, რომ შეფერხებული იყო მასობრივად ჟურნალისტური საქმიანობა. ჟურნალისტებს და ოპერატორებს, განსაკუთრებულად “რუსთავი 2”-ის დამიზნებით ესროდნენ, დასდევდნენ და ხელს უშლიდნენ ჟურნალისტური საქმიანობის განხორციელებაში. ამან მოიტანა მძიმე შედეგი, მძიმე მდგომარეობაშია ჩვენი წამყვანი ჟურნალისტი , თამარ ბაღაშვილი. ცოტა ხნის წინ დასრულდა ოპერაცია. მას აქვს მძიმე მდგომარეობა. კიდევ უფრო მძიმე მდგომარეობაში ჩვენი მეორე თანამშრომელი გიორგი სულაშვილი, რომელმაც დაკარგა თვალი. და ეს ზოგადად კოშმარული ღამე იყო იმიტომ რომ ათამდე ადამიანმა დაკარგა თვალი და აღუდგენელი სხეულის დაზიანება მიიღო და მათ შორის არის ჩემი თანამშრომელი. არის სასტიკად ნაცემი და აქვს ყბა სახის მოტეხილობა. უკეთდება ოპერაცია,“-განაცხადა ნიკა გვარამიამ.

მისივე თქმით პასუხისგებაში უნდა მიეცნენ ის პოლიციელებიც, რომლებიც დამიზნებით ესროდნენ მოქალაქეებს და მათ შორის ჟურნალისტებს.

„პოლიციელები უნდა დაისაჯონ და პასუხი აგონ სისხლიანი დარბევისთვის და ძალის გადამეტებისთვის. გუშინ სამწუხაროდ ხელისუფლებამ მოსპო ქართული პოლიციის მაღალი ავტორიტეტი,“-განაცხდაა ნიკა გვარამიამ და აღნიშნა, რომ გუშინ სამართალდამცველები მოიქცნენ როგორც ივანიშვილის პირადი სადამსჯელო რაზმი.

ნიკა გვარამიას განცხადებით, “რუსთავი2” მხარს დაუჭერს ყველას ვინც უზურპატორი ხელისუფლების წინააღმდეგ კანონის დაცვით იმოქმედებს.

“ქვეყანას მართავს ოლიგარქი დიქტატორი, რუსთავი 2 არ აპირებს ამასთან შეგუებას და მზად არის მხარი დაუჭიროს როგორც მედიამ, ნებისმიერ კანონის ფარგლებში მოქმედ წინააღმდეგობას, უზურპირებული ხელისუფლების ხალხისთვის დასაბრუნებლად,”-განაცხადა ნიკა გვარამიამ.

region
ავტ.: region ივნისი 21, 2019 16:44

Google სტატისტიკა


14,306
ვიზიტორი
დღეში
Powered By Google Analytics