“ვისაც ბიძინა ივანიშვილზე უფრო მეტი სიკეთის გაკეთება შეუძლია, შეეჯიბროს”

საქმე გვაქვს პიროვნულ უთანხმოებასთან და არა პარტიებს შორის დაპირისპირებასთან

თავდაცვისა და უშიშროების კომიტეტის თავმჯდომარე ირაკლი სესიაშვილი ბოტანიკური ბაღის მიმდებარე ტერიროტირიის აუქციონზე გაყიდვის თემასთან დაკავშირებით, კომენტარს აკეთებს.

მისი თქმით, ბიძინა ივანიშვილი აღნიშნულ ტერიტორიაზე ისეთი პროექტის განხორციელებას აპირებს, რომლითაც მომავალი თაობა სულ მცირე, დატკბება, თუმცა ბევრი რატომღაც შეჩვეულია, რომ სიკეთეს უნდა ებრძოლოს.

“ჩვენი მომავალი თაობა სულ მცირე, დატკბება იმ შედეგით, რასაც ეს პროექტი მოიტანს. უბრალოდ, ბევრი რატომღაც შეჩვეულია, რომ სიკეთეს უნდა ებრძოლოს. ვისაც ბიძინა ივანიშვილზე უფრო მეტი სიკეთის გაკეთება შეუძლია, შეეჯიბროს. ძალიან სერიოზული ინვესტიციები აქვს ჩადებული ბოტანიკური ბაღის ჩამოყალიბებაში, განვითარებაში და ეს ასე გაგრძელდება”, – განაცხადა სესიაშვილმა.

ცნობისთვის, ოქროყანაში, 29 ჰექტარი მიწის ნაკვეთი “საქართველოს თანაინვესტირების ფონდმა” შეიძინა. აუქციონის პირობების თანახმად, გასაყიდი ტერიტორიის საწყისი ფასი 6 233 000 ლარს შეადგენდა. აუქციონში მონაწილეობა ერთმა პრეტენდენტმა მიიღო. გაყიდული ქონების ფასმა 6 326 495 ლარი შეადგინა. ამ ეტაპზე, მიმდინარეობს კანონით გათვალისწინებული პროცედურები.

banner
წინა სტატიაში“ვამაყობ, რომ ჩვენი ხელისუფლების დროს სერიოზული ნაბიჯები გადაიდგა შეიარაღებული ძალების შესაქმნელად და გასაძლიერებლად”
შემდეგი სტატიაირაკლი შიხიაშვილი არჩევნებში დამოუკიდებლად მიიღებს მონაწილეობას