საქართველოს მესამე პრეზიდენტი, მიხეილ სააკაშვილი სოციალურ ქსელში “ფეისბუკის” პირად გვერდზე მორიგ პოსტს აქვეყნებს.
პატიმრობაში მყოფი ყოფილი პრეზიდენტი საუბრობს ე.წ. 4 ოქტომბრის საქმეზე დაკავებულებსა და თითოეულის როლზე საზოგადოებაში, ასევე, ხაზს უსვამს “ოცნების” სასამართლოს “სამართლიანობასაც”.
“თაიმერი” მიხეილ სააკაშვილის “ფეისბუკ–პოსტს” უცვლელად გთავაზობთ:
“ვის ასამართლებენ ქოცები ე.წ. 4 ოქტომბრის საქმეზე.
პაატა ბურჭულაძეს – საქართველოს საამაყო შვილს. ეს იგივეა, როგორც 1937 წელს ბერიამ დახვრიტა ევგენი მიქელაძე.
მურთაზ ზოდელავას – ყოფილ პროკურორს, კანონიერი ქურდების რისხვას – ე.ი. მაფია ასამართლებს მაფიასთან მებრძოლს.
ირაკლი ნადირაძეს – საკრებულოში კორუფციის მამხილებელს.
და კიდევ ერთ უწესიერეს ადამიანს პაატა მანჯგალაძეს.
ლაშა ბერიძეს – ამერიკის ყველაზე პრესტიჟული აკადემიის კურსდამთავრებულს, ესაა ასევე მესიჯი ამერიკელებისთვის.
ასამართლებენ სხვა გულანთებულ პატრიოტებსაც, რომლებიც ივანიშვილმა დანიშნა ამბოხებულებად, სინამდვილეში მათ სჯიან 4 ოქტომბრის, ვითომ არჩევნების ჩაშლისთვის და სხვების დასაშინებლად, ისინი ჩვეულებრივი მძევლები არიან. აღფრთოვანებული ვარ მათი ღირსეული საქციელით ე.წ. სასამართლოში.
ასევე კატეგორიულად ვგმობ ნიკა მელიასთვის გამოტანილ მორიგ სამარცხვინო განაჩენს”, – წერს მიხეილ სააკაშვილი.
