ვიქტორ ორბანმა საპარლამენტო მანდატზე უარი თქვა. ამის შესახებ მან ვიდეომიმართვისას განაცხადა.
„მანდატი, რომელიც, როგორც „ფიდესი-ქრისტიან-დემოკრატების“ სიის ლიდერმა მივიღე, რეალურად „ფიდესის“ საპარლამენტო მანდატია, ამიტომ მისი დაბრუნება გადავწყვიტე. ახლა ის საჭიროა არა პარლამენტში, არამედ ეროვნული მოძრაობის რეორგანიზაციისთვის.
პრეზიდიუმი მთავაზობს, გავაგრძელო ჩემი საქმიანობა „ფიდესის“ თავმჯდომარის რანგში და ყრილობა თუ ნდობას გამომიცხადებს, ამ პასუხისმგებლობისთვის მზად ვარ“, – განაცხადა ვიქტორ ორბანმა.
