ვიოლა ფონ კრამონი: მმართველ პარტიას არ შეუძლია, გააუქმოს დოკუმენტები, რომლებსაც სხვების ხელმოწერაც აქვს

მმართველ პარტიას არ შეუძლია, გააუქმოს დოკუმენტები, რომლებსაც სხვების ხელმოწერაც აქვს, – ამის შესახებ ევროპარლამენტარმა ვიოლა ფონ კრამონმა საქართველოს პირველ არხთან ინტერვიუსას განაცხადა.

მისივე თქმით, არსებობს ბევრი პარტია, რომელიც არ გასულა 19 აპრილის შეთანხმებიდან.

„შეთანხმება კვლავ ძალაშია. არსებობს ბევრი პარტია, რომელიც არ გასულა ამ შეთანხმებიდან. ეს შეთანხმება ძალაშია და გვინდა, ყველა მხარემ შეასრულოს. მოდი, დაველოდოთ და ვნახოთ არჩევნების საბოლოო შედეგები. შემდეგ უკვე ხელახლა შეგვიძლია, ვისაუბროთ, თუ როგორ შეგვიძლია, წინ წავიწიოთ, თუმცა მხოლოდ ერთი მხარის შეთანხმებიდან გასვლა და გადაწყვეტილების ცალმხრივად მიღება არ არის, როგორც იქცევიან მრავალმხრივი შეთანხმების დროს“, – განაცხადა ვიოლა ფონ კრამონმა.

წინა სტატიაშიცესკოს წევრის ივანე ნორაკიძის განცხადება ვიდეოფიქსაციასთან დაკავშირებით გავრცელებულ დეზინფორმაციაზე
შემდეგი სტატიაკრამონი: ჩემი გულწრფელი თხოვნაა, რომ მიხეილ სააკაშვილი არ ჩაჯდეს ამ თვითმფრინავში და არც კი სცადოს დაბრუნება