„ერთიან ნაციონალურ მოძრაობაში“ პარტიის თავმჯდომარის პოსტზე 2 კანდიდატურა განიხილება – ნიკა მელია და ლევან ვარშალომიძე. ასეთი გადაწყვეტილება მიიღო პარტიის პოლიტსაბჭომ, რომელიც საგანგებოდ შეიკრიბა თავმჯდომარის კანდიდატურებზე შესაჯერებლად.
გრიგოლ ვაშაძის წასვლის შემდეგ “ნაცმოძრაობა” თავმჯდომარის გარეშე დარჩა. 20 დეკემბერს გაიმართა პარტიის პოლიტსაბჭოს სხდომა, სადაც პარტიის თავმჯდომარის პოსტზე ორი კანდიდატი იქნა შერჩეული. ესენი არიან ნიკა მელია და ლევან ვარშალომიძე. თავმჯდომარის ვინაობა მომავალ კვირას გაირკვევა. მელიაც და ვარშალომიძეც პარტიაში ავტორიტეტით სარგებლობენ.
