აშშ-ის პრეზიდენტმა დონალდ ტრამპმა განაცხადა, რომ ამერიკული საზღვაო „არმადა“ ირანს უახლოვდება, თუმცა გამოთქვა იმედი, რომ სამხედრო ძალის გამოყენება საჭირო არ გახდება. მისი თქმით, ვაშინგტონი ყურადღებით აკვირდება თეირანის თითოეულ ნაბიჯს.
ტრამპმა დაადასტურა, რომ ავიამზიდი აბრაამ ლინკოლნი უკვე ყურის რეგიონს უახლოვდება და საჭიროების შემთხვევაში დარტყმების განხორციელებაც შეძლებს. მისი განმარტებით, საზღვაო ძალების გადაადგილების მიზანი რეგიონში ამერიკული ბაზების დაცვა და ესკალაციის თავიდან აცილებაა.
ანალიტიკოსთა ნაწილი ამ ნაბიჯს ირანზე ზეწოლის გაძლიერებად აფასებს, ნაწილი კი არ გამორიცხავს, რომ ვაშინგტონი ირანში შესაძლო ახალი პროტესტების შემთხვევაში პირდაპირ ჩარევას განიხილავს.
