„ძალიან უცნაური და ამღელვებელი ორი საათი იყო“ — ასე აფასებს მწერალი გიორგი კეკელიძე არასრულწლოვანთა საპატიმროში სტუმრობას, სადაც ის მსჯავრდებული მოზარდების „ბოლო ზარის“ ღონისძიებას დაესწრო.
“დღეს ციხეში ვიყავი. ბოლო ზარზე. არასწრულწლოვნებთან.
ციხეში მიწვეული ვყოფილვარ ბევრჯერ, დრო იყო – ვასწავლიდი კიდეც. ერთი სასჯელის მოხდის ოდენა დრო მაქვს იქ გატარებული, მაგრამ ასეთ ამბავზე პირველად გახლდით.
ვილაპარაკეთ იქ ვაჟა-ფშაველაზე, ალუდაზე, ავთანდილზე, თავისუფლებაზე და თავის დაუფლებაზე. რაულ სერვეც ვაჩვენე. ატრაქციონი.
მაგრამ ეს ლაპარაკი სულ არამთავარი გამოდგა, როცა მერე, ამ ბიჭების ბოლო ზარის მაისურზე ვაწერდი სურვილებს.
ძალიან უცნაური და ამღელვებელი ორი საათი იყო. თუმცა ორი რატომ, ყველა საათი. ასეთი ამბები ხომ მერე სულ თან გახლავს”,_ წერს გიორგი კეკელიძე.
