პოლიტიკური მოძრაობა ახალი საქართველოს თავმჯდომარემ, გიორგი ვაშაძემ პარლამენტის დღევანდელ სხდომაზე სასამართლოების შესახებ განცხადება გააკეთა. ვაშაძის თქმით, რუსთავი 2-ის სასამართლო პროცესით კიდევ ერთხელ დამტკიცდა, რომ სასამართლო სისტემა ჩამოშლილია.
“ჩვენ ვიხილეთ რუსთავი 2-ის სასამართლო პროცესი, სადაც კიდევ ერთხელ დადასტურდა, რომ ქვეყანაში სასამართლო სისტემა ბოლომდე ჩამოშლილია. რეფორმების რამდენიმე ტალღამ, რომელიც ქართულმა ოცნებამ სასამართლოში გაატარა, სასამართლო სისტემას მთლიანად ნდობა დაუკარგა”,- განაცხადა ვაშაძემ.
გიორგი ვაშაძის ინიციატივაა, რომ რაიონული სასამართლოების მოსამართლეების პირდაპირი არჩევის წესი იქნას შემოღებული.