“ვიდრე არ ამოიკვეთებიან სიმსივნური უჯრედივით, დეოკუპაციის გზაზე წარმატებას ვერ მივაღწევთ”- ღარიბაშვილი ენმ-ზე

ვიდრე არ ამოიკვეთებიან სიმსივნური უჯრედივით, დეოკუპაციის გზაზე წარმატებას ვერ მივაღწევთ – ამის შესახებ განცხადება, “ქართული ოცნების პოლიტიკური მდივანმა” ირაკლი ღარიბაშვილმა გააკეთა.

“ყოველთვის მჯეროდა, რომ კოჰაბიტაცია ამ მტრულ ძალასთან იყო შეცდომა და ეწინააღმდეგებოდა ქართველი ხალხის ინტერესებს! დღეს, კიდევ ერთხელ დავრწმუნდით ამაში! ვიდრე ეს მტრული და მოღალატეობრივი ძალა, სიმსივნური უჯრედივით არ ამოიკვეთება ქართული სახელმწიფოს პოლიტიკური სხეულიდან, დეოკუპაციის გზაზე წარმატებას ვერ მივაღწევთ, რადგან საგარეო ფრონტზე გამარჯვებას ჯერ შიდა მტრის საბოლოოდ დამარცხება სჭირდება.”