თბილისში, პარლამენტის შენობის წინ მიმდინარე საპროტესტო აქციაზე აქციის მონაწილეები „ევროპული საქართველოს“ წევრს, გიგი უგულავას დაუპირისპირდნენ. უგულავას მისამართით გაიძახიან „წადი, წადი“.
აქციის რამდენიმე მონაწილემ უგულავას მისამართით ბოთლები ისროლა. აღნიშნული ინციდენტი მას შემდეგ მოხდა, როდესაც გიგი უგულავა სატელევიზიო ჩართვას აპირებდა. აქციის მონაწილეები პოლიტიკური პარტიის ლიდერებს მოუწოდებენ, თავი შეიკავონ პარტიული შინაარსის განცხადებებისგან.
„ევროპული საქართველოს“ წევრი ტერიტორიიდან უკვე გაიყვანეს.
