სამშაბათს საღამოს, მოსკოვის ოლქის ქალაქ ორეხოვო-ზუევოს საავადმყოფოში, მოხდა ინციდენტი. სათვალთვალო კამერით გადაღებულ ვიდეოზე მოჩანს თუ როგორ უმოწყალოდ ურტყამს პაციენტი იატაკზე დაგდებულ მედიკოსს.
მამაკაცმა, რომლის ვინაობა არ სახელდება, საკუთარი და მიიყვანა რენტგენოლოგთან. კაბინეტში, მედიკოსსა და პაციენტს შორის წარმოიშვა კონფლიქტი, რომელიც ჩხუბში გადაიზარდა.
საავადმყოფოს ნაცემი თანამშრომელი რეანიმაციაში მოათავსეს. აგრესორი დააკავეს და პოლიციის განყოფილებაში გადაიყვანეს. მან აღიარა დანაშაული და მიზეზად დაასახელა რენტგენის გადასაღებად რიგში დიდი ხნის ლოდინი.
ორეხოვო-ზუევოს კლინიკაში ეს ცემის მეორე შემთხვევაა ბოლო ექვსი თვის განმავლობაში. კონფლიქტს ავადმყოფებსა და მედიკოსებს შორის ხშირად აქვს ადგილი რუსეთში, რისი მიზეზი, პირველ რიგში, სამედიცინო მომსახურების დაბალი დონეა.
https://youtu.be/t1_a6DyFB08