„გელა ხვედელიძე კატეგორიულად გამორიცხავს გავრცელებულ ვერსიებს, თითქოს ეს შეიძლებოდა, ყოფილიყო გიორგი ფარესაშვილის მხრიდან ანგარიშსწორება,“ – ეს განცხადება გაზეთ ქრონიკა პლუსის მთავარმა რედაქტორმა, ელისო კილაძემ, გადაცემა არჩევანში გააკეთა.
ჟურნალისტის განმარტებით, შს მინისტრის ყოფილი მოადგილე მის ვერსიას ეთანხმება, რომ მასზე თავდასხმაში სუს-ის მოადგილე, სოსო გოგაშვილი, არის ჩართული.
ელისო კილაძის განცხადებით, გელა ხვედელიძემ მასთან საუბარში აღნიშნა, რომ თავდამსხმელებმა კასტეტი ჩაარტყეს თავში.
„დღეს გელა ხვედელიძემ დამიდასტურა, რომ მას ჰქონდა ინფორმაცია იმის თაობაზე, რომ გოგაშვილი აკონტროლებდა მის გადაადგილებას,“ – განაცხადა ელისო კილაძემ.
ელისო კილაძის თქმით, ხვედელიძის ვარაუდით, პირები, რომლებიც მას თავს დაესხნენ, მოჭიდავეები იყვნენ.
„გელა ხვედელიძე დაცვის გარეშე გადაადგილდებოდა და გადაადგილდებოდა იარაღის გარეშე მთელი ამ პერიოდის განმავლობაში,“ – განაცხადა ელისო კილაძემ.
https://www.youtube.com/watch?v=BuiUtwIR8Hc&feature=youtu.be
