წუხანდელი წვიმის შედეგად ადიდებულმა მდინარე ალაზანმა სოფლების – ჯოყოლოსა და დუმასტურის ხიდამდე მისასვლელი საავტომობილო გზა თითქმის მთლიანად წაიღო. წყლით არის დაფარული დუისი-ხალაწნის დამაკავშირებელ საფეხმავლო ხიდამდე მისასვლელი გზაც.
დატბორილია საცხოვრებელი სახლები, ეზოები და ნაკვეთებიც.
ადიდებულ ალაზანს მიაქვს „ხადორი 3 ჰესის“ მშენებელი კომპანიის კუთვნილი ტრაქტორიც, რომელსაც 21 აპრილს მომხდარი დაპირისპირების დროს, ადგილობრივებმა ცეცხლი წაუკიდეს და დაწვეს.
სტიქიის ამსახველი ვიდეოები სოციალურ ქსელში ვრცელდება. ერთ-ერთი ადგილობრივი ამბობს, რომ მდინარე ალაზანი ასეთი ადიდებული 2005 წლის შემდეგ არ ახსოვს.
წყარო : ,,რეგინფო”
https://www.youtube.com/watch?v=Q6eQIo5G9go&feature=youtu.be&fbclid=IwAR2zx-FTnjjGiYVBU8KBve797g1H4G6PQvT6Io1TO-hL4CgQanz7ZWGstXk