ვერც მამუკა ხაზარაძეს დააკავებენ, ვერც ბადრი ჯაფარიძეს და ვერც წერეთლების ოჯახს შეეხებიან – ნიკა მელია

თბილისის საქალაქო სასამართლოში მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესი იწყება. პროცესის პარალელურად, სასამართლოს ეზოში ოპოზიციური პარტიების ლიდერები არიან შეკრებილი და საქმეზე ბრალდებულებს სოლიდარობას უცხადებენ.

“ნაციონალური მოძრაობის” თავმჯდომარის, ნიკა მელიას თქმით, “ქართულ ოცნებას” ოპონენტების დაკავება ძალიან სურს, თუმცა ამის გაკეთებას “ვერ გაბედავენ”.

“რიგითი მოქალაქე ვარ აქ, თანამებრძოლი იმ ასობით ათასი საქართველოს მოქალაქისა, რომელიც ებრძვის რეჟიმს. ებრძვის იმიტომ კი არა, რომ რეჟიმი ჩაანაცვლოს, არამედ იმიტომ, რომ თავისუფლება მოიპოვოს. თუ ვინმე ებრძვის, ებრძვის ამ ადამიანებს. ამიტომ, ვფიქრობ, ხელისუფლება, რეჟიმის სახით ძალიან მოწადინებულია რა თქმა უნდა, რომ მამუკა ხაზარაძე და ბადრი ჯაფარიძე დააკავოს, ამ თამაშში ისინი შევიდნენ წლების წინ, მაგრამ ვერ გაბედავენ ამ ყველაფერს. მათ ძალიან უნდათ, მაგრამ ამისი თავი არ აქვთ. მართლაც აქვს რაღაცას საზღვარი, პოლიტპატიმარი პოლიტპატიმარზე, ეს უკვე ზედმეტია. ბატონ ივანიშვილს ეს ძალიან უნდა, მაგრამ ვერ გააკეთებს. ვერც მამუკა ხაზარაძეს დააკავებენ, ვერც ბადრი ჯაფარიძეს და ვერც წერეთლების ოჯახს შეეხებიან”, – თქვა ნიკა მელიამ.

წინა სტატიაშიხაზარაძე – ყველამ ძალიან კარგად იცის, რომ არანაირი დარღვევა, არათუ ფულის გათეთრება არ ყოფილა, სხვა რამესთან გვაქვს საქმე
შემდეგი სტატიაჩხოროწყუში, საკრებულოს სხდომას “ერთიანი ნაციონალური მოძრაობა” არ დაესწრება (ვიდეო)