ვენესუელაში მიმდინარე მასობრივი საპროტესტო აქციების დროს მინიმუმ 40 ადამიანია დაღუპული – 29 იანვარს გაეროს ადამიანის უფლებათა უმაღლესმა კომისარმა რუპერტ კოლვილმა გაავრცელა. გარდაცვლილთა თითქმის ნახევარზე მეტი კარაკასის ხელისუფლების მიერ მხარდაჭერილმა ძალებმა მოკლეს – კილვილმა თქვა. პროტესტების დაწყებიდან დაკავებულია 850 ადამიანი, მათ შორის, 77 ბავშვი. კერძოდ, 23 იანვარს დააპატიმრეს აქციის 700 მონაწილე – ეს უკანასკნელი 20 წლის მანძილზე დაკავებულთა ყველაზე დიდი რაოდენობაა – “დოიჩე ველე” წერს.
ვენესუელაში 2018 წლის მაისში ჩატარდა საპრეზიდენტო არჩევნები, რომელშიც ნიკოლას მადურომ გაიმარჯვა. მისი ინაუგურაცია 10 იანვარს შედგა. 22 იანვრიდან, მთავრობის გადადგომის მოთხოვნით, ქვეყანაში საპროტესტო აქციები დაიწყო.