ვენესუელაში გასულ კვირას მომხდარი ორი მიწისძვრის შედეგად დაღუპულთა რიცხვი 2 954-მდე გაიზარდა.
ქვეყნის ეროვნული ასამბლეის პრეზიდენტმა, ხორხე როდრიგესმა განაცხადა, რომ მიწისძვრების შედეგად 16 592 ადამიანი დაშავდა. როდრიგესის თქმით, სტიქიის შედეგად, რომელიც ცენტრალურ შტატებს – არაგუას, მირანდას და ლა გუაირას, ასევე დასავლეთ შტატებს – კარაბობოს, იარაკუის და ფალკონს დაატყდა თავს, 6 462 ადამიანი გადაარჩინეს.
განახლებული ინფორმაციით, 16 209 ადამიანი უსახლკაროდ დარჩა, 856 შენობა დაზიანდა და 190 ნაგებობა დაინგრა. ხელისუფლებამ ასევე შექმნა 80 დროებითი ბანაკი იძულებით გადაადგილებული და დაზარალებული ადამიანების დასახმარებლად. გადარჩენილების მოსაძებნად 29 567 მაშველი რჩება, მათ შორის 3 281 საზღვარგარეთიდან.
24 ივნისს მომხდარი 7.2 და 7.5 მაგნიტუდის სიმძლავრის მიწისძვრების შემდეგ, ვენესუელაში 942 შემდგომი ბიძგი დაფიქსირდა.
